యంగ్‌ టైగర్‌ ఎన్టీఆర్ ప్రస్తుతం దేవర విజయాన్ని సూపర్‌ గా ఎంజాయ్‌ చేస్తున్నాడు. బాక్సాఫీస్ వద్ద సరికొత్త రికార్డులు క్రియేట్ చూస్తూ దూసుకెళ్తున్న ‘దేవర’లో ఎన్టీఆర్ తన యాక్షన్‌తో ప్రేక్షకులను థియేటర్లకు పరుగు పెట్టేలా చేస్తున్నాడు. ఇక ఈ సినిమా అందుకున్న భారీ సక్సెస్‌తో ఎన్టీఆర్ అభిమానులు కూడా సంతోషంగా ఉన్నారు.
ఇదిలా ఉండగా, ఎన్టీఆర్ ఇప్పుడు తన నెక్స్ట్ మూవీ షూటింగ్‌లో జాయిన్ అయ్యేందుకు సిద్ధంగా ఉన్నాడు. బాలీవుడ్‌లో తెరకెక్కుతున్న ప్రెస్టీజియస్ స్పై యూనివర్స్ సీక్వెల్ మూవీ ‘వార్-2’లో ఎన్టీఆర్ కూడా యాక్ట్‌ చేస్తున్నాడు. ఈ సినిమాలో హృతిక్ రోషన్‌తో పాటు తారక్‌ను కలిసి బిగ్ స్క్రీన్‌పై చూడాలని అభిమానులు ఎంతో ఆసక్తిగా చూస్తున్నారు. యశ్ రాజ్ స్పై యూనివర్స్‌లో ‘వార్-2’ సినిమాపై అంచనాలు భారీగా నెలకొన్నాయి.
అయితే, ఇప్పటికే కొంతమేర షూటింగ్ జరుపుకున్న ఈ సినిమా, నెక్స్ట్ షెడ్యూల్‌కి సిద్దమవుతుంది. అయితే, ఈ సినిమా క్లైమాక్స్ సీక్వెన్స్‌ని ఈ షెడ్యూల్‌లో షూట్ చేయబోతున్నట్లుగా సమాచారం.
ఇక ఎన్టీఆర్-హృతిక్‌ల మధ్య జరిగే ఈ క్లైమాక్స్ సినిమాలో నెక్స్ట్ లెవెల్‌లో ఉండేలా చిత్ర బృందం ప్లాన్‌ చేస్తుందంట. నవంబర్‌లో ఈ క్లైమాక్స్ షూట్ చేయనున్నారు.