టాలీవుడ్ సొట్ట బుగ్గల సుందరి తాప్సీ గురించి పెద్దగా పరిచయం అక్కర్లేదు. దర్శకేంద్రుడు కే రాఘవేంద్రరావు తెరకెక్కించిన సినిమా ఝుమ్మంది నాదం తో తెలుగు చిత్ర పరిశ్రమకు ఎంట్రీ ఇచ్చిన ఈ భామ…అతి తక్కువ టైమ్‌ లోనే మంచి హీరోయిన్‌ గా గుర్తింపు తెచ్చుకుంది.
ఆ తరువాత తెలుగులో చాలా చిత్రాల్లో నటించింది. ఇక టాలీవుడ్ నుంచి బాలీవుడ్‌కి వెళ్లి అక్కడ కూడా సూపర్ సక్సెస్ అందుకుంది. నార్త్‌లో అమ్మడికి స్టార్ స్టేటస్ రావడంతో, తెలుగు సినిమాలను పక్కకు పెట్టేసింది. అయితే, ఇప్పుడు తిరిగి తెలుగులో ఓ సినిమాతో తాప్సీ రీ-ఎంట్రీకి సిద్ధమవుతోందని తెలుస్తుంది.
ఆమె నటించిన బ్లాక్‌బస్టర్ మూవీ ‘ఆనందోబ్రహ్మ’ చిత్రానికి సీక్వెల్ మూవీని త్వరలోనే ప్రారంభించేందుకు మూవీ మేకర్స్ రెడీ అవుతున్నారు. ఈ సీక్వెల్ చిత్రాన్ని దర్శకుడు మహి వి రాఘవ్ డైరెక్ట్ చేయనున్నారట. ఈ సినిమాతో తాప్సీ తిరిగి తెలుగులో రీ-ఎంట్రీ ఇచ్చేందుకు రెడీ అవుతుంది.