పవన్ కళ్యాణ్ నటిస్తున్న భారీ సినిమా హరిహర వీరమల్లు పై అభిమానుల్లో ఆసక్తి ఏ స్థాయిలో ఉందో ప్రత్యేకంగా చెప్పాల్సిన పనిలేదు. ఈ చిత్రం ఎంతో గ్రాండ్‌గా తెరకెక్కుతోంది. దర్శకుడు క్రిష్ జాగర్లపూడి, రచయిత జ్యోతికృష్ణ కలిసి ఈ సినిమాను ఒక పీరియాడికల్ హిస్టారికల్ డ్రామాగా రూపొందిస్తున్నారు. పవన్ కళ్యాణ్‌ని కొత్తగా చూపించేందుకు వారు ప్రత్యేక శ్రద్ధ తీసుకుంటున్నారు.
ఇక ఈ సినిమా ఎప్పుడు థియేటర్లలోకి వస్తుందా అనే విషయంలో చాలామంది ఆసక్తిగా ఉన్నారు. కానీ ఇప్పటివరకు రిలీజ్ డేట్ విషయంలో స్పష్టత రావడం లేదు. మీడియా మరియు సోషల్ మీడియాలో ఈ సినిమా రిలీజ్ పై తరచూ వదంతులు వస్తూనే ఉన్నాయి. మేకర్స్ మాత్రం ఇప్పటి వరకూ ఎలాంటి అధికారిక ప్రకటన చేయలేదు.
ఈ నేపథ్యంలో, సోషల్ మీడియాలో వినిపిస్తున్న రూమర్స్‌ను నమ్మవద్దని చిత్ర బృందం సూచిస్తోంది. విడుదల తేదీ ఎప్పుడైతే ఖరారు చేస్తారో, అప్పుడు వారు అధికారికంగా ప్రకటిస్తామని, ఆ వరకు అందరూ గమనంగా ఉండాలని చెబుతున్నారు.
ప్రస్తుతం పోస్టు ప్రొడక్షన్ పనులు శరవేగంగా జరుగుతున్నాయని సమాచారం. అన్ని పనులు పూర్తయ్యాకే రిలీజ్ డేట్ ఫిక్స్ చేసి ప్రకటించే అవకాశం ఉందని సినీ వర్గాల్లో చర్చ నడుస్తోంది. ఇక అభిమానులు మాత్రం తమ అభిమాన హీరోను ఈ రేంజ్ పాత్రలో చూడాలనే ఉత్కంఠతో ఎదురు చూస్తున్నారు.