బాలకృష్ణ నటించిన భగవంత్ కేసరి సినిమా మంచి హిట్ సాధించిన విషయం తెలిసిందే. ఈ సినిమాతో దర్శకుడు అనీల్ రావిపూడి బ్లాక్‌బస్టర్ ఇచ్చాడు. ఇప్పుడు అదే సినిమా కథను తమిళ స్టార్ విజయ్ రీమేక్ చేస్తున్నారనే వార్తలు ఫిల్మ్ సర్కిల్లో వినిపిస్తున్నాయి.
విజయ్ ప్రస్తుతం నటిస్తున్న జన నాయగన్ అనే సినిమా భగవంత్ కేసరి ఆధారంగా తీస్తున్నారంటూ కొన్ని రోజులుగా చర్చ జరుగుతుంది. అయితే దీనిపై ఎలాంటి అధికారిక ప్రకటన ఇప్పటివరకు బయటకి రాలేదు.
ఇదిలా ఉంటే, జన నాయగన్ సినిమా షూటింగ్‌లో విజయ్ పోలీస్ యూనిఫార్మ్‌లో కనిపించిన కొన్ని ఫోటోలు లీక్ అయ్యాయి. అవి సోషల్ మీడియాలో ఫ్యాన్స్‌లో పెద్ద ఎగ్జైట్మెంట్ కలిగించాయి.
భగవంత్ కేసరిలోనూ బాలకృష్ణ పోలీస్ గెటప్‌లో కనిపించిన నేపథ్యంలో, ఇప్పుడు విజయ్ లుక్ కూడా అదేలా ఉండటంతో ఇది రీమేక్ అనే ప్రచారం మళ్ళీ జోరందుకుంది.
ఇక ఈ జన నాయగన్ సినిమా వచ్చే ఏడాది జనవరి 9న థియేటర్లలోకి రానుందని తెలుస్తోంది. విజయ్, హెచ్ వినోద్ కాంబినేషన్‌లో వస్తున్న ఈ చిత్రం భగవంత్ కేసరి ఆధారమై ఉంటే ఆశ్చర్యం లేదన్నట్టుగా ఫ్యాన్స్ అభిప్రాయపడుతున్నారు.