హీరో నాని ప్రధాన పాత్రలో నటించిన హిట్ 3 సినిమాకు ప్రేక్షకుల నుంచి మంచి స్పందన లభించింది. రిలీజ్ అయిన తొలి రోజునుంచే తెలుగు రాష్ట్రాల్లోనే కాకుండా అమెరికాలో కూడా ఈ సినిమా బాక్సాఫీస్ వద్ద solide collections ను అందుకుంది. ఇప్పటికీ కొన్ని థియేటర్లలో ఈ చిత్రం కొనసాగుతున్నప్పటికీ, ఇప్పుడు ఓటిటి రిలీజ్ గురించి మంచి బజ్ వినిపిస్తుంది.
ఇప్పుడు వస్తున్న సమాచారం ప్రకారం, హిట్ 3 సినిమా జూన్ 5 నుండి ఓటిటిలో స్ట్రీమింగ్ కానుంది. అయితే, ఈ విషయంపై ఇంకా అధికారిక ప్రకటన రాలేదు. కానీ, ఈ సినిమాకు సంబంధించిన ఓటిటి రైట్స్ ను ప్రముఖ స్ట్రీమింగ్ సంస్థ నెట్ ఫ్లిక్స్ ఇప్పటికే తీసుకుంది.
ఈ సినిమాకి సంగీతం అందించిన మిక్కీ జే మేయర్ ట్యూన్స్ ప్రేక్షకులను బాగా ఆకట్టుకున్నాయి. హీరోయిన్‌గా శ్రీనిధి శెట్టి నటించగా, అడివి శేష్ మరియు కార్తీ ప్రత్యేక పాత్రల్లో కనిపించి చిత్రానికి మరింత బలాన్ని ఇచ్చారు. ప్రత్యేకంగా చెప్పాల్సిందేంటే, నాని ఈ సినిమాకి నటుడు మాత్రమే కాకుండా నిర్మాతగా కూడా వ్యవహరించాడు.
ఇన్ని అంశాలు కలసి హిట్ 3 సినిమాను ప్రేక్షకుల్లో మంచి ఆసక్తి కలిగించేలా చేశాయి. ఇప్పుడు ఓటిటి రిలీజ్ కూడా దగ్గరపడటంతో, ఈ సినిమా మరోసారి చర్చల్లోకి రావడం ఖాయం.