‘ఫౌజీ’ విడుదల గురించి సాలిడ్ బజ్‌! పాన్ ఇండియా స్టార్ ప్రభాస్ నటిస్తున్న లేటెస్ట్ చిత్రం ‘ది రాజా సాబ్’ ప్రస్తుతం శరవేగంగా షూటింగ్ జరుపుకుంటోంది. దర్శకుడు మారుతి డైరెక్ట్ చేస్తున్న ఈ చిత్రాన్ని వేసవి కానుకగా రిలీజ్ చేసేందుకు చిత్ర యూనిట్ రెడీ అవుతోంది. ఇక ఈ సినిమాతో పాటు ప్రభాస్ నటిస్తున్న పీరియాడిక్ వార్ అండ్ లవ్ ఎంటర్‌టైనర్ మూవీ ‘ఫౌజీ’ కూడా శరవేగంగా షూటింగ్ జరుపుకుంటోంది.
ఈ సినిమాలో ప్రభాస్ ఓ సైనికుడి పాత్రలో కనిపిస్తాడని సమాచారం. ఇక ఈ సినిమాను డైరెక్టర్‌ హను రాఘవపూడి డైరెక్ట్ చేస్తుండటంతో ఈ చిత్రంపై భారీ అంచనాలు క్రియేట్ అయ్యాయి. కాగా, ఈ సినిమా విడుదల విషయంలో మేకర్స్ ఓ సాలిడ్ స్ట్రాటెజీ ప్రకారం వెళ్తున్నట్లుగా తెలుస్తోంది.
2025 చివరినాటికి ఈ మూవీ షూటింగ్ ఎట్టిపరిస్థితుల్లో పూర్తి చేయాలని.. 2026 సమ్మర్‌లో ఈ మూవీని విడుదల చేయాలని మేకర్స్ అనుకుంటున్నారంట. దీని కోసం కావాల్సిన ప్రొడక్షన్‌ను ఎలాంటి కాంప్రమైజ్ లేకుండా నిర్మాతలు అందించనున్నట్లు వార్తలు వినిపిస్తున్నాయి.