ఆర్ఆర్ఆర్ సినిమా నాటు నాటు పాటతో ఆస్కార్‌ అవార్డు దక్కించుకుంది. ఎన్టీఆర్, రామ్‌ చరణ్‌ కలిసి నటించిన ఈ సినిమా ప్రపంచమంతా తెలుగు సినిమాకి మంచి గుర్తింపు తీసుకొచ్చింది. దర్శకుడు రాజమౌళి సినిమాని అంతర్జాతీయ స్థాయిలో నిలబెట్టారు.
ఇటీవల లండన్‌లో ఉన్న ప్రఖ్యాత రాయల్‌ ఆల్బర్ట్‌ హాల్‌ వేదికగా ఆర్ఆర్ఆర్ లైవ్‌ కాన్సర్ట్‌ జరిగింది. ఎం ఎం కీరవాణి సంగీత ప్రదర్శన అందరినీ ఆకట్టుకుంది. ఈ కార్య‌క్ర‌మానికి ఎన్టీఆర్, చరణ్‌ తో పాటు రాజమౌళి కూడా హాజరయ్యారు.
ఈ కార్యక్రమంలో రామ్‌ చరణ్‌ పుట్టినరోజు సందర్భంగా ఎన్టీఆర్ ముందుగానే శుభాకాంక్షలు చెప్పాడు. దీనికి అక్కడి ప్రేక్షకులు భారీగా స్పందించారు. సోషల్‌ మీడియాలో కూడా వీరి బంధానికి మంచి రెస్పాన్స్‌ వచ్చింది. అభిమానులు వీరి ఫొటోలను పంచుకుంటూ ఉత్సాహంగా కామెంట్లు చేస్తున్నారు.
ఇప్పుడు ఈ ఫొటోలు నెట్టింట్లో వైరల్‌ అవుతున్నాయి. మరోవైపు రాజమౌళి ప్రస్తుతం మహేశ్‌బాబుతో భారీ ప్రాజెక్ట్‌ ప్లాన్‌ చేస్తున్న సంగతి తెలిసిందే.