మాస్ మహారాజ్ రవితేజ మరోసారి ఫుల్ జోష్‌లో ఉన్నారు. ఇటీవలే విడుదలైన మాస్ జాతర సినిమాతో బిజీగా గడిపిన ఆయన, ఇప్పుడిప్పుడే మరో కొత్త ప్రాజెక్ట్‌ను వేగంగా ముందుకు తీసుకెళ్తున్నారు. ఈసారి దర్శకుడు కిషోర్ తిరుమలతో కలిసి పనిచేస్తుండటంతో, ఈ సినిమాపై మంచి బజ్ క్రియేట్ అవుతోంది.
ఈ సినిమా పనులు చాలా స్పీడ్‌గా జరుగుతున్నాయి. షూటింగ్ మొదలయ్యే ముందే అన్ని ఏర్పాట్లు పూర్తయ్యాయి. ఇక ఇందులో ఇద్దరు హీరోయిన్స్ నటించనున్నారని టాక్. అందులో ఒకరు డింపుల్ హయాతి అని ఇండస్ట్రీ వర్గాల్లో వార్తలు వినిపిస్తున్నాయి. రవితేజతో ‘ఖిలాడీ’ సినిమాతోనే డింపుల్ టాలీవుడ్‌లో అడుగుపెట్టిన సంగతి తెలిసిందే.
ఆ సినిమాతో వీరిద్దరి కాంబినేషన్‌కి మంచి రెస్పాన్స్ వచ్చింది. ఇప్పుడు మళ్లీ అదే జంట మరోసారి స్క్రీన్‌పై కనిపించబోతుందని టాక్ ఉంది. అయితే దీనిపై ఇంకా అధికారికంగా ఏమైనా ప్రకటించాల్సి ఉంది.
ఈ ప్రాజెక్ట్‌ను ఎస్‌ఎల్‌వీ సినిమాస్ నిర్మిస్తుండగా, వచ్చే ఏడాది సంక్రాంతికి థియేటర్లలోకి తీసుకురావాలని ప్లాన్ చేస్తున్నారట. ప్రస్తుతం ఈ సినిమా గురించి మరిన్ని వివరాలు రాబోవచ్చు.