టాలీవుడ్‌లో ఇప్పుడు అందరి దృష్టిని ఆకర్షించిన విషయం అక్కినేని అఖిల్ పెళ్లే. జయినాబ్‌తో అఖిల్ వివాహ వేడుక అక్కినేని కుటుంబంలో చాలా గ్రాండ్‌గా జరిగింది. కుటుంబసభ్యులంతా ఎంతో ఉత్సాహంగా పాల్గొన్న ఈ వేడుకకు సంబంధించిన ఫోటోలు, వీడియోలు సోషల్ మీడియాలో వైరల్ అవుతున్నాయి.
ఈ వేడుకలో ఫ్యామిలీ మెంబర్స్‌తో పాటు సినీ ఇండస్ట్రీకి చెందిన పలువురు ప్రముఖులు హాజరయ్యారు. ముఖ్యంగా అక్కినేని ఫ్యామిలీకి దగ్గరగా ఉన్న మెగా ఫ్యామిలీ కూడా వేడుకలో చురుగ్గా పాల్గొంది. రామ్ చరణ్, ఉపాసన దంపతులు అఖిల్ పెళ్లిలో పాల్గొన్న విషయం ఇప్పుడు టాక్ ఆఫ్ ది టౌన్ అయ్యింది.
వీరిద్దరూ పెళ్లి వేడుకతో పాటు రిసెప్షన్‌కి కూడా హాజరై కొత్తజంటకు శుభాకాంక్షలు తెలిపారు. తాజాగా అఖిల్, జయినాబ్‌తో కలిసి రామ్ చరణ్, ఉపాసన దిగిన ఫోటో ఒకటి సోషల్ మీడియాలో చక్కర్లు కొడుతోంది. ఈ ఫోటోను చూసిన అభిమానులు ఇద్దరు ఫ్యామిలీల మధ్య ఉన్న బంధాన్ని తెగ ప్రశంసిస్తున్నారు.
అఖిల్ పెళ్లి సందడిలో మెగా ఫ్యామిలీ జాలిజాలీగా పాల్గొనడం ఇండస్ట్రీలో మంచి సంబరంగా మారింది. ఒకవైపు అక్కినేని ఫ్యాన్స్‌, మరోవైపు మెగా అభిమానులు ఈ సెలబ్రేషన్స్‌కి సంబంధించిన ప్రతి అప్‌డేట్‌ని ఆసక్తిగా ఫాలో అవుతున్నారు. మొత్తం మీద టాలీవుడ్‌లో అఖిల్ పెళ్లి ఓ స్టార్స్ ఫుల్ గ్లామర్ ఈవెంట్‌లా మారిందనడం అనుమానం లేదు.